13 янв 10:21
Янгиликлар

Футбол

"Насаф" Туркия клубини мағлуб этди, бугун Украина жамоаси билан ўйин

Қаршининг "Насаф" клуби Туркияда давом этаётган йиғин доирасидаги илк назорат учрашувини ўтказди.

Туркия қуйи лигаси вакили “Тарсус Идман Юрду” жамоасига қарши кечган учрашувда "Насаф" 2:0 ҳисобида ғалаба қозонди. Дастлабки гол 10-дақиқада Драган Черан томонидан киритилди. Иккинчи голга 78-дақиқада ёш ҳужумчи Дилшод Хушбаков муаллифлик қилди.

“Насаф” навбатдаги назорат учрашувини бугун, 13 январь куни Украинанинг “Ворскла” клубига қарши ўтказади. Баҳс маҳаллий вақт билан соат 16:00да (Тошкент вақти 18:00) бошланади.

"Насаф" сафида биринчи бўлимда майдонга тушганлар: Санжар Қувватов, Муроджон Тошматов, Умарбек Эшмуродов, Игорь Голбан, Мирғиёс Сулаймонов, Жасур Ҳасанов, Нажмиддин Нормуродов, Дилшод Саитов, Жаҳонгир Алиев, Санжар Рашидов, Драган Черан.

"Насаф" сафида иккинчи бўлимда майдонга тушганлар: Умиджон Эргашев, Шерзод Насруллаев, Илҳом Алижонов, Ғолиб Ғайбуллаев, Сардор Саъдуллаев, Ислом Кенжабоев, Акмал Мозговой, Шароф Муҳитдинов, Худоёрхон Сағдуллаев, Ислом Рашидхонов, Дилшод Хушбаков.