28 дек 15:08
Янгиликлар

Бокс/ММА

Насукава Мейвезердан қўрқмайди, лекин...

Хабарингиз бор, 31 декабрь куни япониялик кикбоксчи Тенсин Насукава ўз юртида америкалик енгилмас боксчи Флойд Мейвезерга қарши жанг ўтказади.

Саитама шаҳрида ўтказиладиган ушбу жанг бокс қоидалари асосида ташкил этилади. Жанг уч дақиқадан иборат уч раунд бўлиб, кўргазмали характерга эга. Жанг натижаси расмий статистикага киритилмайди. Насукава Мейвезердан қўрқмаслигини алоҳида таъкидлади.

“Тушунаман, нокаут билан жангни бой беришим ҳам мумкин. Лекин Флойддан заррача қўрқаётганим йўқ. Тўққиз дақиқалик жанг мен учун катта чақирув бўлади. Флойд менга қараганда гавдалироқ. Аммо, мен тезлигим эвазига мана шу фарқни йўққа чиқармоқчиман. Мен Макгрегордан кўра яхшироқ ҳаракат қила оламан”, - деди Насукава.