"Навбаҳор" - "Нефтчи" ўйинида бу мавсум рекорди қайд этилди

Ушбу турда чемпионатимизнинг 6та учрашувини томоша қилиш учун стадионларга жами 44824 нафар мухлис ташриф буюрган. Яъни ҳар бир ўйинга ўртача 7470 томошабин тўғри келди. 

Иккинчи турданги энг кўп томошабин Намангандаги "Марказий" стадионига келди. 18992 мухлис "Навбаҳор" - "Нефтчи" учрашувини томоша қилди. Шундай қилиб ушбу баҳс 2017 йил ҳозирча энг кўп томошабин келган ўйинга айланди. 

Бундан олдинги рекорд ҳам Наманганда қайд этилганди. 1-турдаги "Навбаҳор" - "Обод" учрашувига 12311 мухлис келганди. 

Энг кам мухлис эса Тошкентдаги "Пахтакор" стадионига келди. "Пахтакор" ҳамда "Динамо" ўртасидаги учрашувни 2117 нафар одам кузатиб борди.