29 май 10:44
Янгиликлар

Футбол

Неймар энди Бразилияда сардор эмас

Бразилия терма жамоаси ҳужумчиси Неймар сардорлик боғичидан маҳрум этилди.

Шундай қилиб, яқинлашиб келаётган Америка Кубоги-2019 мусобақасида футболчиларни майдонга ҳимоячи Дани Алвеш сардор сифатида бошлаб тушади,

«Америка Кубогида терма жамоанинг янги сардори тажрибали ҳимоячи Дани Алвеш бўлади. У мусобақага жалб қилинганлар орасида энг кўп ўйинда қатнашган (138та учрашув) футболчи ҳисобланади. Сўнгги маротаба Алвеш 2018 йилнинг мартида Германияга қарши учрашувда сардор бўлганди», – дея қайд этилган мамлакат футбол федерацияси томонидан берилган мурожаатда.

Эслатиб ўтамиз, Copa America-2019 баҳслари 14 июнь санасида бошланади.