Ниҳоят, Темурхўжа Абдухолиқов жамоаси зафар қучди

“Ас-Сайлия” мавсумни яхши бошлаган бўлса-да, кейинроқ омадсизлик гирдобига тушиб қолди. Кетма-кет 5 тур давомида тунислик Сами Трабелси бошқараётган жамоа ғолиб чиқа олмади. Айниқса, сўнгги турда Хави тўп сурадиган “Ас-Садд”нинг 6 та гол уриши, ҳаммасидан ўтиб тушди.

Абдухолиқов айтганидек, душанба куни натижа жиддий таҳлил қилиб чиқилган. Кеча “Ас-Сайлия” турнир жадвалида сўнгги ўринни эгаллаб турган “Ал-Марҳия” клубини қабул қилиб, 4:1 ҳисобида зафар қучди. Бошланғич таркибда майдонга тушган Темурхўжа асосий вақтга қўшиб берилган дақиқада алмаштирилди.  

Навбатдаги турни “Ас-Сайлия” футболчилари “Ал-Ҳарайтият” клубига қарши ўтказади. Демак, 1 февраль куни Қатарда “ўзбек дербиси”га гувоҳ бўламиз.