Нокаутчи боксчимиз Шоҳжаҳон чипта олди, у АҚШга йўл оляпти

Чарм қўлқоп устамиз айни пайтда Москва шаҳрида бўлиб турибди ва қарийб бир ой давомида Россия Федерацияси пойтахтида машғулот ўтказди. Дунёга машҳур “SHOWTIME” телеканали билан шартнома имзолаган боксчимиз 12 октябрь куни Детройт шаҳрига етиб боради.

“Дейтройтда уч кун бўламан ва кейин у ердан дунё бокс маркази ҳисобланган Лас-Вегас шаҳрига кўчиб ўтаман”, - деди биз билан бўлган қисқа суҳбатда Шоҳжаҳон Эргашев.

Эслатиб ўтамиз, Шоҳжаҳон шу кунгача профессионал боксда 10 та жанг ўтказган бўлиб, уларнинг барчасида рақибларини муддатидан аввал нокаутга учратган. У ўн биринчи жангини катта эҳтимол билан Лас-Вегас шаҳрида ўтказади.