06 май 09:50
Янгиликлар

Футбол

Нўъмон Ҳасанов - апрель ойининг энг яхши мураббийи!

championat.asia талқинига кўра апрель ойининг энг яхши мураббийи деб "Қўқон-1912" бош мураббийи Нўъмон Ҳасанов тан олинди.

Ўтган ойда қўқонликлар жуда ажойиб иштирок этишди. Дастлаб мавсумни сенсацион ғалабалар билан бошлаган "Динамо" 2:1 ҳисобида Қўқонда таслим қилинди.

Сўнгра Ҳасанов шогирдлари Муборакда "Машъал" билан 1:1 ҳисобида дуранг ўйнаб қайтишди. 7-турда "Қўқон-1912" ўз мухлислари қаршисида Бекободнинг "Металлург" клубини 3:0 ҳисобида тор-мор этишди.

Ниҳоят ой сўнггида Ғузорда "Шўртан" клуби таслим қилинди - 3:2. Маълумот учун, бу мавсум Ғузорда "Нефтчи", "Локомотив" ва "Пахтакор" каби клублар гол ура олмай мағлуб бўлиб қайтишганди.

Нўъмон Ҳасанов бошчилигидаги "Қўқон-1912" айни пайтда 8та учрашувдан 17 очко тўплаб мусобақа жадвалининг иккинчи поғонасида бормоқда.