08 июл 12:24
Янгиликлар

Теннис

Новак Жокович 16-маротаба Уимблдон 1/4 финалига чиқди

Дунёнинг олтинчи ракеткаси "Катта Дубулға" туркумига кирувчи Уимблдон турнирининг чорак финал иштирокчисига айланди.

Новак Жокович 1/8 финалда ATP рейтингида 11-ўринни эгаллаб турган австралиялик Алекс Де Минаурни тўрт сет натижасига кўра мағлубиятга учратди - 1/6, 6/4, 6/4, 6/4. Сербиялик теннисчи ўзаро учрашувлар ҳисобида олдинда бормоқда - 3:1.

Уч соату 19 дақиқа давом этган баҳсда Жокович 6, Де Минаур 1 та эйс зарбасини амалга оширган. Иккала теннисчи ҳам 6 тадан брейкдан фойдаланган. Жокович Уимблдон турниридаги 101-ғалабасини қўлга киритди. Australian Open турнирида 99, "Ролан Гаррос"да - 101, US Open мусобақасида 90 та ғалабага эга.

Новак фаолиятида "Катта Дубулға" туркумига кирувчи турнирларда 63-маротаба 1/4 финалга чиқди. Бу бўйича ҳам у ўзининг шахсий рекордини янгилади.