23 фев 18:16
Янгиликлар
Шахмат
Нодирбек Абдусатторов: “Номзодлар турнирида энг катта имконият — унда!”
FIDE Candidates 2026 ҳақида фикр билдирар экан, ўзбекистонлик гроссмейстер Нодирбек Абдусатторов фаворит сифатида Фабиано Каруанани кўрсатди.
Жаҳон чемпионлиги ўйини эҳтимоли ҳақида гап кетганда ҳам Нодирбек Каруанага устунлик берди:
"Тахминан 60/40 Фаби фойдасига. Гукешнинг ҳам у билан яхши натижалари бор, лекин барибир Фабининг имконияти баландроқ".
Нодирбекнинг таъкидлашича, Номзодлар турнири Каруана учун ҳал қилувчи босқич:
"Бу жуда катта тўсиқ. Агар у шу босқичдан ўтса, ишончи янада ошади ва матчда жуда жиддий рақибга айланади".
У шунингдек, Прагнанандха ва Жавоҳир Синдаровнинг ҳам яхши имкониятлари борлигини айтди. Агар иккисидан фақат бирини танлаш керак бўлса, Нодирбек устунликни Жавоҳирга беради.
- Агар Жавоҳир Номзодлар турнирини ютиб, сиздан Жаҳон чемпионлиги матчида ёрдам беришни сўраса, рози бўлармидингиз?
"Ҳа, албатта", деди Абдусатторов.
Ҳавола :
Манба : uzchess
Фикрлар