Камилла Раҳимова АҚШ, Полина Кудерметова эса Туркиядаги турнирда қатнашади

Камилла АҚШнинг Техас штати, Остин шаҳрида старт олган WTA 250 турнирида ўз омадини синаб кўради. Ҳамюртимиз мусобақа асосий тўрининг илк босқичида Венгрия вакиласи Анна Бондар билан тўқнаш келади. Ушбу баҳс 23 февралдан 24 февралга ўтар кечаси соат 00:00 да бошланиши белгиланган.

Маълумот учун, 24 ёшли Камилла Раҳимова WTA рейтингида 92, 28 яшар Анна Бондар эса 65-ўринни эгаллаб турибди.

Жаҳон рейтингида 148-ўринни банд этиб турган вакиламиз — Полина Кудерметова эса Туркиянинг Анталия шаҳрида ўтказиладиган "Челленжер" туркумидаги мусобақада қатнашади. 22 ёшли Полинага дастлабки босқичда украиналик Олександра Олиникова рақиблик қилади. 25 яшар Олиникова ҳозирда WTA рейтингида 71-поғонада бормоқда. Нимчорак финал йўлидаги мазкур беллашув эртага соат 13:00 да старт олиши режалаштирилган.