17 май 19:41
Янгиликлар
Теннис
Новак Жокович финал ҳақида: "Рафаэль мендан яхшироқ эди"
Дунёнинг биринчи ракеткаси сербиялик теннисчи Новак Жокович Римдаги турнир финалида Рафаэль Надалдан учралган мағлубият ҳақида фикр билдирди.
"Мен финалда Надалга қарши ўйнаганимдан хурсандман. Ўйлашимча, бу "Ролан Гаррос" учун катта ёрдам бўлади. Аммо унга қарши ўйнаш, айниқса финалда, ниҳоятда қийин.
Надаль мендан яхшироқ эди. Аммо бу учрашувда мен ўз ўйинимнинг ижобий томонларини кўрдим. Мен умуман чарчоқни сезмадим ва бир неча соат яхши ўйнай олдим. Энди дам олишим ва куч топишим керак. Ўйлашимча, Сербиядаги мусобақа бошланишидан бир неча кун олдин машғулотларни бошлайман.
Римдаги мусобақа менга "грунт"га бўлган ишончни кучайтиришга, ўз ўйинимни топишга имкон берди. Буни сақлаб қолишим ва Парижга энг юқори чўққида келишим керак", - дея Жоковичнинг сўзларини келтирмоқда сербиялик журналист Саша Озмо ўзининг Twitter'даги саҳифасида.
Ҳавола :
Манба : gotennis.ru
Фикрлар