Новак Жокович тўрт карра US Open чемпиони + ФОТОГАЛЕРЕЯ

Мусобақа бош соврини учун жаҳоннинг иккинчи ракеткаси Новак Жокович ҳамда АТР рейтингида 3-ўринни эгаллаб турган россиялик Даниил Медведев ўзаро кураш олиб боришди. 

Уч соату 17 дақиқа давом этган финал учрашувида Жокович рақибини уч сетда 6/3, 7/6, 6/3 ҳисобларида мағлуб этиб, тўртинчи бор АҚШ Очиқ чемпионати бош совринини қўлга киритди. Бу Новак учун мавсумдаги учинчи, фаолиятидаги йигирма тўртинчи "Катта Дубулға" турнири чемпионлиги бўлди.   

Жокович Медведевдан 2021 йилги US Open финалидаги мағлубияти учун ҳам реванш олди. Теннисчилар шу вақтга қадар ўзаро 15 маротаба тўқнаш келишган бўлса, шуларнининг 10 тасида Новак, 5 тасида Даниил ғалаба қозонган. 

АҚШ Очиқ чемпионатидаги ғалаба орқали Жокович 2000 рейтинг очкоси ва 3 миллион доллар мукофот пулига эга бўлади. Шунингдек, у бугун эълон қилиинадиган янгиланган ҳафталик рейтингида Карлос Алькаразни ортда қолдириб, 1-ўринга қайтади.