06 июл 11:34
Янгиликлар

Теннис

Новак Жокович "Уимблдон"даги 100-ғалабасини қўлга киритди

Дунёнинг олтинчи ракеткаси Новак Жокович "Катта Дубулға" туркумига кирувчи Уимблдон турнирининг тўртинчи давра иштирокчисига айланди.

Сербиялик юлдуз учинчи даврада ATP рейтингида 49-ўринни эгаллаб турган ватандоши Миомир Кецмановични 6/3, 6/0, 6/4 ҳисобида мағлубиятга учратди. Ҳамюртларнинг ўзаро учрашувларидаги ҳисоб йириклашди - 4:0.

Бир соату 50 дақиқа давом этган баҳсда Жокович 16, Кецманович 3 та эйс зарбасини амалга оширди. Брейклар бўйича устунлик 6 га 1 кўринишида ғолиб теннисчи томонида бўлди. Жокович Уимблдон кортларидаги юбилей 100-ғалабасини тантана қилди. Аввалроқ бундай натижага швейцариялик Рожер Федерер ва америкалик Мартина Навратилова эришганди.

Энди Новак Жокович 1/4 финал йўлланмаси учун австралиялик Алекс Де Минаурга қарши кортга чиқади.