15 дек 10:54
Янгиликлар

Бокс/ММА

Нурмагомедовнинг промоутери Сауль Альваресга жанг таклиф қилди

Россиялик UFC чемпиони Хабиб Нурмагомедовнинг промоутери Али Абдулазиз мексикалик жаҳон чемпиони Сауль Альваресга жанг ўтказиш таклифи билан чиқди.

“Бу мавзуда Альвареснинг промоутери Оскар Де Ла Хойя жуда кўп гапириб юборяпти. Келинглар, Канело ва Хабиб ўртасида жанг ташкил қиламиз. Шунда ҳаммаси ойдинлашади.

Ишончим комил, UFC президенти Дана Уайт ва Оскар Де Ла Хойя бу жангдан яхшигина даромад қилиб олишади”, - дея ўзининг Twitter саҳифасида хабар қолдирган Абдулазиз.

Эслатиб ўтамиз, эртага Сауль Канело Альварес АҚШнинг Нью-Йорк шаҳрида иккинчи ўрта вазн тоифасида WBA йўналиши чемпиони британиялик Рокки Филдингга қарши рингга кўтарилади.