Ньюпорт (АТР). Карлович 37 ёшида совринга эга бўлди

Карлович Ньюпортда якунига етган турнир ғолибига айланди. Уч соат давом этган финал учрашувида турнирнинг иккинчи ракеткаси бўлган Иво учинчи рақам остида таснифланган люксембурглик Жиль Мюллерни 6:7(2), 7:6(5), 7:6(12) ҳисобида таслим этди.

Ҳар икки теннисчи умумий ҳисобда 45та эйс зарбани амалга оширишди. 33 ёшли Мюллер фаолиятидаги илк титулни қўлга киритиш учун жуда ҳам яқин келганди. Лекин сўнгги тай-брек баҳсида омад ундан юз ўгирди. Сўнгги 13-гейм роппа-роса 20 дақиқа давом этди ва унда 14:12 ҳисобида Карлович зафар қучди.

Иво Карлович (Хорватия, 2) – Жиль Мюллер (Люксембург, 3) – 6:7 (2), 7:6 (5), 7:6 (12)