ОЧЛ. Ўзбекистонлик ҳакамлар 4-тур учрашувига тайинланди

Саудия Арабистонида марказлашган ҳолда ўтаётган ОЧЛ гуруҳ босқичининг навбатдаги учрашувларида ўзбекистонлик ҳакамлар фаолият олиб боришади. Хусусан, 4-тур учрашувларидан ўрин олган “Ал Шабаб” (Саудия Арабистони) — “Ал Қува” (Ироқ) жамоалари ўртасидаги баҳсни Илгиз Танташев бошчилигидаги ҳакамлар бригадаси бошқариб боради. 

Унга ён чизиқларда ҳамюртларимиз Тимур Гайнулин ва Андрей Цапенколар ёрдам беради. Тожикистонлик Насрулло Кабиров эса захира ҳаками сифатида фаолият олиб боради. Учрашув Тошкент вақти билан 19-апрел соат 01:45 да старт олади.