ОФК Кубоги. Алишер Азизов ва "Дордой" мағлуб бўлди

Фақат маррказий Осиё клублари ўрин олган ушбу гуруҳдаги илк ўйинда Қирғизистоннинг "Олой" клуби Туркманистоннинг "Олтин Аср" клубини қабул қилди. Ушбу баҳсда меҳмонлар 2:1 ҳисобида ғалаба қозонишди. 

Иккинчи ўйин Тожикистонда "Истиқлол" ва Қирғизистонинг "Дордой" жамоалари ўртасида кечди. Учрашувда майдон эгалари 2:0 ҳисобида зафар қучишди. Меҳмонлар сафида ўзбекистонлик Алишер Азизов 76 дақиқа ҳаракат қилган бўлса, яна бир ҳамюртимиз Абдулатиф Абдуқодиров захирада қолдирилди. 

Ушбу гуруҳдаги кейинги ўйинлар 4 апрель санасига белгиланган. Шу куни Қирғизистон дербисида "Дордой"  "Олой" билан куч синашади. "Олтин Аср" эса ўз уйида "Истиқлол" билан ўйнайди. 

"D" гуруҳи. 1-тур
"Олой" - "Олтин Аср" 1:2
Голлар: Умаров 55 - Аннадурдиев 43, Умаров 45+3 автогол

"Истиқлол" - "Дордой" 2:0
Голлар: Давид Мавутор 16, Алиев Жаҳонгир 22