Олимпиада қатнашчиси бўлган Кенжаев ITTF Challenge Open-2017 турнирида

Бу ҳақда Хусан Насруллаев хабар бермоқда. Дунёнинг 250 нафар спортчиси қатнашаётган мазкур нуфузли мусобақалар Олимпия ўйинларига рейтинг очкосини тақдим этувчи турнир хисобланади.

ХХХI ёзги Олимпия ўйинлари иштирокчиси бўлган Зоҳид Кенжаев Словенияда бўлиб ўтаётган турнирнинг гуруҳ бахсларида франциялик Руиз Роменни 4:0, словениялик Новак Тиленни 4:3 ҳисобида мағлуб этиб, асосий даврага чиқди.

Асосий давра баҳсларида эса Хитой Тайпейи вакили Ли Чиа-Шенгни 4:2 ҳисобида енгди. Франциялик Броссиер Бенжаминга эса 3:4 ҳисобида ютқазган бўлса-да, кейинги босқич йўлланмасини қўлга киритди.

Маълумот учун, Ли Чиа-Шенг Жаҳон кубоги совриндори ҳисобланади. Бу натижаси билан Кенжаев кучли 32таликка кирди. Ольга Ким эса гуруҳ баҳсларида германиялик Ван Юанга 1:4 ҳисобида имкониятни бой берди. Болгариялик Эллиса Замфировадан 4:2 ҳисобида устун келди.