02 сен 11:55
Янгиликлар

Теннис

Омонмуродова Алматидаги турнир финалида кортга чиқди

Қозоғистоннинг Алмати шаҳрида теннис бўйича “Фьючерс” туркумига кирувчи турнир якунига етди.

Соврин жамғармаси 25 000 АҚШ долларини ташкил қилувчи мусобақанинг яккалик баҳслари финал учрашувида Оқгул Омонмуродова бош мукофот учун кортга чиқди. Унинг рақибаси россиялик Полина Лейкина бўлди.

Бир соату 35 дақиқа давом этган учрашувда турнирда бешинчи рақам остида таснифланган Лейкина 6:3, 6:3 ҳисобида ғалаба қозониб, турнир чемпионига айланди.

Таққослаш учун, 20 сентябрь куни 23 ёшга тўладиган Лейкина дунё рейтингида 399, 33 ёшли Омонмуродова эса роппа-роса 400-ўринни эгаллаб турибди.