Топурия Махачев учун навбатдаги рақиб бўлмайди

Бу ҳақда россиялик жангчининг менежери Али Абдел-Азиз маълум қилди.

"Аниқлик киритаман: Жастин Гэтжи шубҳасиз, навбатдаги даъвогар сифатида енгил вазн тоифасида чемпионлик учун курашади. Агар Топурия буни истамаса, унда Жастин тўлақонли чемпионлик камарига навбатда турган рақиб билан жанг қилади. Агар Ислам Топурияни дўппосламоқчи бўлса, бу қаерда ва қачон ўтказилишини унинг ўзи танлайди. Аммо Исламнинг навбатдаги жанги ярим ўрта вазн вакилига қарши бўлиши аниқ", - деб ёзди Абдел-Азиз ижтимоий тармоқдаги саҳифасида.

Аввалроқ, ярим ўрта вазн тоифасида UFC чемпионлик камари соҳиби Ислам Махачев 14 июнь куни Оқ уй яқинида бўлиб ўтадиган байрам турнирида Топурияга қарши жанг қилиш ғояси унга ёққанини айтганди.

Ярим ўрта дивизионда россиялик билан жанг ўтказиш учун асосий номзодлар Камару Усман, Майкл Моралес ва Иан Мачадо Гарри бўлиб турибди. Илия Топурия эса уч ҳафта олдин Пэдди Пимблеттни мағлуб этиб, вақтинчалик енгил вазн тоифаси чемпионига айланган Жастин Гэтжи билан бирлаштирувчи жанг ўтказиши керак.