03 авг 09:17
Янгиликлар

Теннис

Омонмуродова Испанияда иккинчи учрашувини ўтказди

Тажрибали теннисчимиз Оқгул Омонмуродова Испаниянинг Сеговия провинцияси Эл-Эспинар шаҳрида ўтказилаётган турнирнинг иккинчи давра учрашувида кортга чиқди.

Мусобақанинг соврин жамғармаси 25 000 АҚШ долларини ташкил қилади. Оқгул илк даврада асосий тўрга имтиёзли йўлланма асосида қўйилган испаниялик теннисчи Рабенер Фернандесни 6:4, 7:6(7) ҳисобида мағлуб этганди.

Ҳамюртимиз иккинчи босқичда голландиялик Бибияна Шуфсга қарши баҳс олиб борди. Афсуски, турнирнинг саккизинчи ракеткасига қарши кечган учрашувда Омонмуродова 3:6, 6:7(5) ҳисобида мағлуб бўлди.