24 май 15:18
Янгиликлар

Шахмат

Онлайн шахмат бўйича Ўзбекистон чемпионатининг қолдирилган ўйини бўлиб ўтди

Жисмоний тарбия ва спорт вазирлиги ташаббуси билан ҳаваскорлар ўртасида шахмат бўйича биринчи онлайн Ўзбекистон чемпионати ўтказилди.

Карантин даврида аҳолининг бўш вақтини мазмунли ташкил этиш, юртдошларимиз орасида шахматни янада ривожлантириш мақсадида ўтказилган онлайн мусобақанинг 5-турнирида техник сабабларга кўра ушбу тур қолдирилган эди. Мазкур қолдирилган тур, иштирокчилар талабларини инобатга олган ҳолда бугун ўтказилди.

Онлайн Ўзбекистон чемпионатининг 5-турнирида сурхондарёлик Норбоев Набижон Нарзикулович энг яхши натижани қайд этган ҳолда ғолибликни қўлга киритди.

Маълумот учун, ушбу онлайн мусобақа ғолиблари 3 миллион сўм миқдоридаги пул мукофоти ҳамда шахмат бўйича ҳаваскорлар ўртасида биринчи онлайн Ўзбекистон чемпионати ғолиби дипломи билан тақдирланди.