23 июн 19:03
Янгиликлар
Теннис
Оқгул Швеция турнирининг иккинчи ракеткасини мағлуб этди
Тажрибали теннисчимиз Оқгул Омонмуродова Швециянинг Ястад шаҳри мезбонлик қилаётган турнирдаги иштирокини муваффақиятли давом эттирмоқда.
Ҳамюртимиз соврин жамғармаси 25 минг долларни ташкил қилувчи ушбу мусобақада саккизинчи рақам остида ҳаракат қиляпти. Бугун вакиламиз чорак финал учрашувида турнирнинг иккинчи ракеткаси чилилик Даниэла Сегуэлга қарши кортга чиқди.
Роппа-роса икки соат давом этган баҳсда Оқгулнинг қўли баланд келди. Биринчи сетни 2:6 ҳисобида бой беришига қарамай, ҳамюртимиз қолган икки сетда 6:0, 6:2 ҳисобида зафар қучди.
Эртага
Омонмуродова ярим финал учрашувида Магдалена Фречга қарши кортга чиқади. Польшалик
бу теннисчи даниялик Эмилие Франкаттидан 6:3, 6:2 ҳисобида устун келди.
Ҳавола :
Манба : olamsport.com
Фикрлар