Ортис - Уайлдерга: Ё мен сени ўлдираман ёки бу ишни сен қиласан

Кубалик боксчи навбатдаги жангини айнан Уайлдерга қарши ўтказади. Ушбу жанг Озодлик ороли боксчиси учун реванш мақомида бўлади. Боксчиларнинг илк жангида Ортиснинг ғалаба қозонишига бир баҳя қолганди. 

"Ҳатто бошқа рақибга қарши жанг ўтказган пайтимда ҳам Уайлдер билан реванш ҳақида ўйлаганман. Агар Деонтейга қарши биринчи жангимда 900 та зарба йўллаган бўлсам, бу сафар зарбалар сони икки баробар кўп бўлади. Ўшанда еттинчи раунддаги нокдаундан сўнг муваффақиятимни ривожлантира олганимда ҳозир ҳаммаси бошқача бўларди. 

Ўйлайманки, реванш жангида бундай имконият менда яна юзага келади. Уайлдерга реванш жанги 12 раунд тўлиқ давом этмайди, деб айтганман. Бу сўзларимни яна қайтараман: Ё мен сени ўлдираман ёки бу ишни сен қиласан! Жанг ана шу икки вариантдан иборат бўлади", - деди Ортис.