Осиё чемпионати. Бугун Ўзбекистон Хитой билан ўйнайди

Жасур Абдураимов бошчилигидаги ёшларимиз гуруҳдаги ўрнимизга таъсир қилмайдиган учрашувда Хитой терма жамоасига қарши майдонга тушишади. Бугунги ўйин натижасидан қатъий назар терма жамоамиз гуруҳ босқичини пешқадам сифатида якунлайди.

Маълумот учун, терма жамоамиз дастлабки турни қўшниларимиз Тожикистонга қарши ўтказиб, 2:1 ҳисобида зафар қучди. Кейин Австралия мағлуб этилди - 3:2.

Икки турда 6 очко тўплаган жамоамиз муддатдан аввал гуруҳда биринчи ўринни нақд қилди. Хитой эса аксинча дастлабки икки ўйинда мағлуб бўлди. Шу боис бугунги Хитойга қарши учрашув ҳеч қандай аҳамият касб этмайди. 

Ўзбекистон ва Хитой ўртасидаги баҳс бугун, 21 октябрь куни Тошкент вақти билан соат 21:30да бошланади. Гуруҳдаги иккинчи ўйин Австралия ва Тожикистон ўртасида кечади. 

21 октябрь

21:30 - Австралия – Тожикистон

21:30 - ЎЗБЕКИСТОН – Хитой