29 сен 16:47
Янгиликлар
Футбол
Осиё чемпионати ярим финални ўзбекистонлик ҳакам бошқаради
Шу кунларда Ҳиндистонда бўлиб ўтаётган ўсмирлар (U-16) ўртасидаги Осиё чемпионатида бугун ярим финал ўйинларига старт берилади.
Аввал хабар берилганидек, мазкур турнирда Азиз Асимов бошчилигидаги ўзбекистонлик ҳакамлар бригадаси ҳам ўйинларни бошқариб бормоқда.
Эътиборлиси, ярим финал доирасидаги Эрон ҳамда КХДР терма жамоалари ўртасидаги ўйинни айнан Азиз Асимов бошқариб боради. Ушбу турнирда Асимовга қанотда яна бир ўзбекистонлик ФИФА лайнсмени Руслан Серазетдтинов ёрдам бермоқда.
Эслатиб ўтамиз, Азиз Асимов бунгача, Осиё чемпионатида Япония – Вьетнам, Уммон – Жанубий Корея ҳамда Жанубий Корея – Малайзия ўртасидаги ўйинларни бошқариб борган.
Ҳавола :
Манба : the-uff.com
Фикрлар