Осиё Кубоги-2019. Яна бир бош мураббий истеъфога чиқди

Баҳрайн билан кечган баҳсда ҳиндлар 0:1 ҳисобида ютқазиб қўйишди. Шундай қилиб Ҳиндистон гуруҳ ўйинларида 3 очко билан охирги ўринни эгаллади ва мусобақани тарк этди. Баҳс якунига етгач жамоа бош мураббийи Стефен Константин ўз лавозимини бўшатиб бераётганини маълум қилди.

- Истеъфога чиқяпман. Тўрт йил Ҳиндистон терма жамоасини бошқардим ва асосий мақсадимиз Осиё Кубогида иштирок этиш эди. Биз бу ишни амалга оширдик ва бундан жуда хурсандман. Барчага ўз миннатдорчилигимни билдираман".

- Мен кетаётганимдан хафаман, чунки ўз ишимга ниҳоятда ўрганиб қолганман. Бугун турмуш ўртоғимнинг туғилган куни ва олти йилдирки, мен уйга бормайман. Уч нафар қиз фарзандим бор ва уларни ҳам уч-тўрт ой деганда зўрға кўраман. Шундай экан, энди уйга қайтиб, оилам билан бирга бўламан", - деди англиялик мураббий.