Осиё ўйинларининг бокс турнири тақвими эълон қилинди

Мусобақа 21 сентябрдан 2 октябргача бўлиб ўтади. Саралаш босқич жанглари 21 сентябрь куни бошланади, ярим финал баҳслари 29 ва 30 сентябрь, финаллар эса 2 октябрь куни бўлиб ўтади. 

Жадвалда ҳар бир эркаклар ва аёллар вазн тоифасидаги жанг саналари кўрсатилган бўлиб, бу жамоаларга Осиё ўйинларига пухта тайёргарлик кўриш имконини беради. Дастлабки босқичда жанглар кунига икки сессияда ўтказилади. Кундузги дастур мусобақа кунига қараб, маҳаллий соат 12:00 (Тошкентда 8:00) ёки 13:00 (Тошкентда 9:00)да, кечки сессиялар эса 17:00 (Тошкентда 13:00)да бошланади. 2 октябрдаги финал жанглари ҳам иккита медаль дастурига бўлинади.

Эркаклар турнирида 55, 60, 70, 80, 90 ва 90 килограммдан юқори вазн тоифалари, аёллар ўртасида эса 51, 54, 60, 65 ва 75 килограммгача бўлган вазнлар тақдим этилади. Тўрт йил Ханчжоуда ўтган Осиё ўйинлари билан таққослаганда, эркаклар ва аёлларда биттадан вазн тоифалари олиб ташланган. 

Эълон қилинган жадвалга кўра, ҳар бир вазн тоифасига дастлабки жангларни ўтказиш учун аниқ кунлар ажратилган, шундан сўнг боксчилар ярим финал ва финал босқичларида рингга чиқишади.

Ташкилий қўмита мусобақа жадвалига ўзгартиришлар киритилиши мумкинлигини ҳам истисно қилмаяпти. Зарур бўлганда, сана ва вақтга ўзгартириш киритиш мумкин.