06 май 17:40
Янгиликлар

Бокс/ММА

Оскар Де Ла Хойя: Альварес учта вазнда жанг ўтказа олади

Машҳур промоутер Оскар Де Ла Хойя мижози Сауль "Канело" Альвареснинг режалари ҳақида гапирди.

Мексикалик боксчи кеча ўзининг WBA ва WBC чемпионлик камарлари орасига америкалик Дэниэл Жейкобсга тегишли IBF титулини ҳам қўшиб қўйганди.

"Альварес учта вазн тоифасида бемалол жанг ўтказиши мумкин. У ўзининг ўрта вазн (72,6 кг) тоифасидан ташқари, иккинчи ўрта (76,2 кг) ҳамда ярим оғир (79,4 кг) вазнларда ҳам рингга чиқа олади. Канело билан жанг қилиш истагини Геннадий Головкин, Деметриус Андрейд, Каллум Смит ва Сергей Ковалёв ҳам билдирган.

Ҳозир Альварес танаффус олиб, хордиқ чиқариши керак. Кейин эса биргаликда режаларни кўриб чиқамиз. Сауль ҳеч қачон чақирувлардан қочмаган", - деди Де Ла Хойя.