19 окт 10:05
Янгиликлар
Бокс/ММА
Оскар Де ла Хойя Альвареснинг эҳтимолли рақибини ошкор этди
Профессионал бокснинг ўрта вазн тоифасида сбиқ жаҳон чемпиони Сауль “Канело” Альварес ўзининг кейинги жангини Давид Лемьега қарши ўтказиши мумкин.
Бу маълумотни Golden Boy Promotions промоутерлик компанияси раҳбари Оскар де ла Хойя тасдиқлади. Айнан яқин ўтмишнинг афсонаси ҳисобланган Де Ла Хойя ушбу жангни ташкил қилмоқчи бўляпти.
Бунинг учун эса Лемье аввалига 16 декабрь куни ўтказиладиган жангда WBO чемпиони Билли Жо Сондерсни мағлубиятга учратиши шарт бўлади.
“Сондерсга қарши жанг Лемье учун яхшигина имконият. Агар у бу имкониятдан фойдалана олса, биз Лемье - Альварес жангини ташкил этишга уриниб кўрамиз.
Ҳозир Альварес ва Геннадий Головкин ўртасида реванш жанги ўтказишга ҳаракат қиляпман. Мабодо, молиявий ва бошқа масалаларда қозоғистонлик боксчи билан келиша олмасак, у ҳолда Лемье вариантини кўриб чиқамиз”, – деди Де Ла Хойя Los Angeles Times нашрига берган интервьюсида.
Ҳавола :
Манба : isport.ua
Фикрлар