31 окт 18:15
Янгиликлар
Футбол
Ўзбекистон аёллар (U-19) терма жамоаси Осиё чемпионатига чиқди
Тожикистон пойтахти Душанбе шаҳрида футбол бўйича 19 ёшгача бўлган қизлар терма жамоалари ўртасидаги Осиё чемпионатининг саралаш босқичи якунланди.
Бугун Ўзбекистон ёшлар терма жамоаси гуруҳнинг сўнгги ўйинида Хитой Тайпейи футболчиларига қарши майдонга тушди. Айнан мана шу ўйин келаси йили Хитойда бўлиб ўтадиган Осиё чемпионатининг финал босқичига йўл оладиган жамоа номини аниқлаб берди.
Боиси, ҳар иккала терма жамоа ҳам дастлабки икки турда ғалаба нашидасини суришган эди. Баҳром Норсафаров шогирдларига ғалаба келтирган ягона гол 24-дақиқада Мафтуна Панжиева томонидан пенальтидан киритилди.
Шу тариқа, Ўзбекистон ёшлар терма жамоа тўртинчи марта Осиё чемпионатида қатнашади. 2002, 2004 ва 2015 йилларда қитъа чемпионатида иштирок этган жамоа гуруҳ босқичидан чиқа олмаган эди. Осиё чемпионати 2017 йилнинг август ойида Хитой мамлакатида бўлиб ўтди.
Ҳавола :
Фикрлар