19 окт 10:45
Янгиликлар
Футбол
Ўзбекистон чорак финалда Япония, Қатар ёки Эрон билан ўйнайди
Шу кунларда Баҳрайнда ёшлар ўртасидаги Осиё чемпионатининг гуруҳ босқич учрашувлари давом этмоқда.
Хабар берганимиздек, Жасур Абдураимов бошчилигидаги ёшларимиз 2-турда Австралияни мағлуб (3:2) этиб, гуруҳда муддатдан аввал биринчи ўринни нақд қилди.
Чорак финалда Ўзбекистон ёшлари “C” гуруҳида иккинчи ўринни олган жамоа билан тўқнаш келишади. Айни пайтда 2-турдан сўнг бу гуруҳда Япония ва Қатар 4 очкодан, Эрон эса 2 очко тўплаган. Нол очкога эга Яман гуруҳдан чиқа олмаслиги аниқ бўлиб улгурган.
Сўнгги турда Эрон Яман билан, Қатар эса Япония билан ўйнайди.
3-тур, 20 октябрь
Қатар - Япония
Яман - Эрон
Эслатиб ўтамиз, Ўзбекистон терма жамоаси чорак финал учрашувини 24 октябрь куни “Халифа Спорт Сити” стадионида ўтказади. Ундан олдин 21 октябрь куни гуруҳ босқичининг 3-турида Хитой билан расмиятчилик учун баҳс бўлиб ўтади.
Ҳавола :
Манба : championat.asia
Фикрлар