22 июл 14:07
Янгиликлар
Теннис
Ўзбекистон - Гонгконг 1:1. Оқгулда ғалаба, Сабинада эса...
Хотин-қиз теннисчилар ўртасидаги норасмий жаҳон чемпионати ҳисобланган Федерация кубогида минтақавий саралаш баҳслари давом этмоқда.
Бугун Ирода Тўлаганова сардорлигидаги Ўзбекистон терма жамоаси гонгконлик дугоналарига қарши баҳс олиб боришяпти. Ҳозиргина яккаликнинг иккинчи учрашуви якунланди.
Унда мамлакатимизнинг биринчи ракеткаси Сабина Шарипова кутилмаганда рақибаси Чжан Линга 4:6, 1:6 ҳисобида имкониятни бой бериб қўйди. Ундан аввал Оқгул Омонмуродова Чон Вонгни 6:2, 6:4 ҳисобида таслим этганди.
Энди ушбу жуфтлик ғолибини жуфтликлар ўртасидаги учрашув аниқлаб беради. Теннисчиларимиз кеча Индонезия терма жамоасидан ҳам айнан жуфтликдаги ғалаба эвазига устун келишганди.
Ҳавола :
Манба : olamsport.com
Фикрлар