Ўзбекистон профессионал бокс федерациясида йиғилиш бўлиб ўтди

Унда сўзга чиққан федерация масъуллари ташкилот томонидан янги форматда иш бошлангани ва бу борадаги режалар билан иштирокчиларни таништиришди.

- Олдимизда катта режалар бор. Биз умуман янги шаклда иш олиб боришни мақсад қилганмиз. Уни амалга ошириш учун юртимизда барча имкониятлар, жумладан, истеъдодли боксчилар, мураббийлар ва барча шароитлар бор.

Биз бу имкониятлардан тўла фойдалансак, улкан орзулар билан қўлига  қўлқоп кийган ёшларимизнинг муваффақиятлари янада ортади. Мақсадимиз Ломаченко, Головкинларни Ўзбекистондан чиқариш.

Бизда бу каби боксчилар жуда ҳам кўп. Фақат биргаликда ҳамфикр бўлиб ишласак кифоя, - деди Ўзбекистон профессонал бокс федерацияси биринчи вице-президенти Владимир Шин.

Шунингдек, тадбирда Ўзбекистон профессонал бокс федерация раисининг ўринбосари Муҳаммадқодир Абдуллаев, бош директор Набижон Исманов, промоутер Темур Сулаймонов сўзга чиқиб, берилган саволларга батафсил жавоб бердилар.

Ўзбекистон профессионал бокс федерацияси матбуот хизмати