Ўзбекистон сафарда Қатарни мағлуб этди ва гуруҳ пешқадами бўлиб олди

Учрашув қатарликларнинг тезкор ҳужумлари билан бошланди. 4-дақиқада Акрам Афиф чап қанотдан олдинга ўтди ва жарима майдонига тўп узатди, Сория тўпга тегиниб қўйди, дарвоза ёнидан ўтиб кетди. 8-дақиқада  Абдулкарим Ҳассан энди чап қанотдан олдинга ўтиб жарима майдонига тўп узатди, Лобанов тўпни ушлаб олди.

22-дақиқада Қатарнинг тезкор қарши ҳужуми, Сориянинг жарима майдонига узатган тўпини Муҳаммад Муса боши билан дарвозага йўллади, ноаниқ. 42-дақиқада Сория боши билан дарвозага зарба берди, тўп дарвоза юқорисидан ўтиб кетди.

85-дақиқада Гейнрих ўзига нисбатан ишлатилган қўполлик учун белгиланган жарима тўпини амалга оширди, Егор Кримец боши билан дарвозани ишғол қилди - 0:1. Ушбу тарихий ғалабадан сўнг терма жамоамиз 6 очко билан якка пешқадам бўлиб олди.

ҚАТАР – ЎЗБЕКИСТОН 0:1

6 сентябрь 2016. Доҳа. “Ал Садд” стадиони.

Гол: Егор Кримец 85, - 0:1

Қатар: Умар Барри, Муҳаммад Муса, Абдулкарим Ҳассан (Педро Мигел, 80), Аҳмад Ал Сайид, Родриго Табата (Али Асадалла, 62), Ҳассан Ал Ҳайдос (Исмоил Муҳаммад, 71), Акрам Афиф, Буалим Хухи, Аҳмад Ёсир, Карим Будиаф, Себастьян Сория.

Ўзбекистон: Александр Лобанов, Ислом Тўхтахўжаев, Егор Кримец, Анзур Исмоилов, Виталий Денисов, Отабек Шукуров, Одил Аҳмедов, Сервер Жепаров (Жавоҳир Соҳибов, 82), Элдор Шомуродов, Сардор Рашидов (Александр Гейнрих, 59), Игорь Сергеев.

Бош ҳакам: Али Абдулнаби (Баҳрайн)

1. Ўзбекистон 2    2    0    0    2-0    6

2. Эрон           2    1    1    0    2-0    4

3. Ж.Корея     2    1    1    0    3-2    4

4. Хитой         2    0    1    1    2-3    1

5. Сурия        2    0    1    1    0-1    1

6. Қатар         2    0    0    2    0-3    0