Ўзбекистон шахмат тарихида илк бор дунё рейтингида ТОП-20 таликка кирди!

Июль ойи рейтингига асосан, Ўзбекистон жаҳон шахмат рейтингида 19-ўринда қайд этилди. 

Дунё рейтингини мос равишда АҚШ, Россия, Хитой бошқариб бормоқда. Германия, Испания, Полша, Англия каби мамлакатлар ҳам юқори ўринларни қайд этган. Шунга қарамай, рейтингда юртимиз дунё шахматида ўз ўрнига ва натижасига эга бўлган Грузия, Сербия, Эрон, Италия, Болгария, Руминия, Куба, Туркия ва Аргентина каби давлатларидан юқори ўринда бормоқда.

"Албатта, бу ҳали шахматдаги натижаларимизнинг бошланиши. ТОП-10 таликка ва ундан юқори ўринларга кириш учун жамоамиз билан астойдил меҳнат қилиб, бундан ҳам юқорироқ натижаларга эришишга ҳаракат қиламиз. Бугунги ютуқ билан эса барча юртдошларимизни табриклаймиз!", - дея ушбу муваффақиятга муносабат билдирди Ўзбекистон шахмат федерацияси раиси Алишер Саъдуллаев.