Ўзбекистон – Швейцария 1:1. Бугун жуфтликлар учрашуви

Бу икки терма жамоа Жаҳон лигасига чиқиш учун плей-офф ўйинида иштирок этяпти. Кечаги кунги баҳслардан сўнг ҳисоб 1:1 бўлиб турибди. Аввалига мамлакатимизнинг биринчи ракеткаси Денис Истомин Энтони Бельерни мағлубиятга учратди. Кейин эса Санжар Файзиев Хенри Лаксоненга уччала сетда ҳам бир хил 2:6 ҳисобида ютқазиб қўйди.

Бугун жуфтликлар баҳсида Денис Истомин ва Фаррух Дўстов ҳамкорлиги Адриэн Боссел ҳамда Йоан Никлес тандемига қарши кортга чиқади. Режага кўра, бу учрашув соат 12.00да бошланади.  

Эслатиб ўтамиз, Ўзбекистон терма жамоаси саралашда Хитой теннисчиларини 3:2 ҳисобида мағлубиятга учратиб, плей-оффда иштирок этиш ҳуқуқини қўлга киритганди.

Швейцарияликлар эса Жаҳон лигаси биринчи босқичида Италияга қарши ўйин ўтказиб, 0:5 ҳисобида мағлубиятга учраган эди. Ўзбекистон – Швейцария учрашуви ғолиби Жаҳон лигасига йўлланмани қўлга киритади.