31 май 07:42
Янгиликлар

Бошқалар

Ўзбекистон терма жамоаси Европа Очиқ чемпионатида 4та медаль қўлга киритди

Франциянинг Берк-сюр-Мер шаҳрида оғир атлетика (пауэрлифтинг) бўйича Европа Очиқ чемпионати бўлиб ўтди.

Мусобақада жаҳоннинг 40та давлатдан 250 нафарга яқин спортчи совринли ўринлар учун кураш олиб боришди. Баҳсларда иштирок этган ўзбекистонлик паралимпиячилар ҳам иштирок этиб, 1та олтин, 2та кумуш ва 1та бронза медалларини қўлга киритишди.

Ёшлар ўртасида -45кг вазн тоифасида мусобақада иштирок этган Шаҳзода Мамадалиева 71кг тошни кўтариб, олтин медаль соҳибасига айланди. -50кг вазн тоифасида юртимиз шарафини ҳимоя қилган Муслима Нуриддинова эса 65кг натижа билан иккинчи ўринни эгаллади.

Катталар ўртасида бўлиб ўтган беллашувларда -55кг вазн тоифасида Роза Қўзиева 115 кг тошни ўзига бўйсундириб, кумуш медални қўлга киритди. -88кг вазн тоифасида мусобақада қатнашган Фарход Умирзоқов 180кг натижа билан бронза медалига сазовор бўлди.