04 мар 15:44
Янгиликлар
Теннис
Ўзбекистон - Туркия: «Дэвис Кубоги»ни ғалаба билан бошладик
Ҳамюртимиз Санжар Файзиев икки терма жамоа ўртасидаги дастлабки учрашувда қийин ғалабани қўлга киритди.
Пойтахтимиздаги Республика олимпия захиралари теннис мактаби кортларида терма жамоалар ўртасидаги норасмий жаҳон чемпионати ҳисобланган «Дэвис Кубоги» доирасидаги Ўзбекистон - Туркия учрашуви бўлиб ўтмоқда.
Яккаликнинг дастлабки учрашувида Санжар Файзиев Сем Илкелга қарши кортга чиқди. Ҳозиргина якунига етган ва 2 соату 39 дақиқа давом этган баҳсда Файзиев кучли рақибини 6/3, 6/7(1), 6/4 ҳисобида мағлуб этди ҳамда терма жамоамизни ҳисобда олдинга олиб чиқди.
Тақослаш учун, Санжар Файзиев ATP рейтингида 510, Сэм Илкел эса 189-ўринни эгаллаб турибди. Бироздан сўнг иккинчи яккалик учрашувида Сергей Фомин Челикбелик Алтуг билан ҳисоб-китоб қилади.
Ҳавола :
Манба : olamsport.com
Фикрлар