Ўзбекистонлик футболчидан допинг топилди ва бир йилга четлатилди

2016 йилнинг 15 сентябридан 2 октябрига қадар Ҳиндистонда бўлиб ўтган ўсмирлар ўртасидаги Осиё чемпионатида Ўзбекистон терма жамоаси шарафини ҳимоя қилган Абдулҳай Исмоиловнинг қонидан олинган допинг натижалари ижобий натижа берди.

Яъни унинг қонида допинг аниқланган. Шу боис ОФК футболчини бир йилга футболга алоқадор ҳар қандай ўйинларда майдонга тушишини таъқиқлаб қўйди.

Исмоилов ўсмирлар ўртасидаги Осиё чемпионатида иккита ўйинда (КХДР ва Ироқ) майдонга тушган эди. Футболчи 2016 йилнинг 3 ноябрь санасидан 2017 йилнинг 2 ноябрь санасига қадар майдонга тушмайди.

ИСМОИЛОВ АБДУЛҲАЙ АҲАД ЎҒЛИ

Туғилган санаси: 08.02.2000

Туғилган жойи: Наманган шаҳар

Биринчи футбол мактаби: БЎСМ-17 (Наманган)

Биринчи мураббийи: Дилмурод Низомбоев

Жамоаси: “Бунёдкор”

Амплуаси: ҳужумчи

Рақами: 20