05 авг 09:52
Янгиликлар
Ўзбекистонлик мураббийнинг чемпион шогирди кутилмаганда нокаутга учради ФОТО
Оқшомнинг марказий жангида ўзбекистонлик мураббий Аброр Турсунпўлатов қўл остида шуғулланаётган Сергей Ковалёв (32-3-1, 28КО) ўзига тегишли бўлган ярим оғир вазн тоифасидаги WBO чемпионлик камарини ҳимоя қилди.
Россиялик 35 ёшли чемпион мағлубият нималигини билмай келаётган колумбиялик 34 ёшли Элейдер Альварес (24-0, 12КО)га қарши рингга кўтарилди. Ўн икки раундга мўлжалланган жанг муддатидан аввал якунланди.
Дастлабки икки раунд тенгкурашлар остида ўтди. Шундан сўнг Ковалёв ташаббусни ўз томонига оғдириб олди. Раундларни кетма-кет ўз фойдасига ҳал қилди. Лекин еттинчи раундда ўнг томондан кучли ва аниқ зарба ўтказиб юборди ва бунинг натижасида нокдаун ҳолатига тушиб қолди. Сергей жангни давом эттирди, аммо тикланишга улгурмади. Яна иккита нокдаундан сўнг рефери жангни тўхтатишга мажбур бўлди.
Фикрлар