Ўзбекистонлик спортчилар бодибилдинг ва фитнес бўйича жаҳон чемпионатида учинчи ўринни қўлга киритишди

Дунёнинг 51 давлатидан 600 нафардан ортиқ спортчи иштирок этган ушбу мусобақада юртимиз шарафини ўн икки нафар спортчимиз ҳимоя қилди.

Вакилларимиз жаҳон чемпионатида қуйидаги натижаларни қайд этишди:

Павел Умурзаков – мастерлар ва катталар ўртасида 90 кг вазн тоифасида бодибилдинг йўналиши бўйича 1-ўрин.

Елена Бекирова – модель фитнес йўналиши бўйича, ёшлар ўртасида 1-ўрин, катталар ўртасида 2-ўрин.

Достон Хасанов – катталар ўртасида атлет физик йўналишида 1-ўрин.

Рушана Максумова – модел физик йўналишида ёшлар ўртасида 2-ўрин, катталар ўртасида 3-ўрин.

Алёна Нураева – атлет физик йўналишида катталар ўртасида 2-ўрин.

Фарход Субханқулов – бодибилдинг йуналиши бўйича катталар ўртасида 3-ўрин.

Мусобақа якунларига кўра, умумжамоа ҳисобида Ўзбекистон терма жамоаси 4 та олтин, 3 та кумуш ва 2 та бронза медаллари билан умумжамоа ҳисобида учинчи ўринни қўлга киритди.