16 июл 14:56
Янгиликлар

Бокс/ММА

Пакьяо - Матиссе. Зарбалар статистикаси

Ўн бир карра жаҳон чемпиони, саккиз вазн тоифасида собиқ жаҳон чемпиони Мэнни Пакьяо кеча Куала-Лумпур шаҳрида аргентиналик Лукас Матиссени мағлубиятга учратиб, рақибига тегишли ярим ўрта вазн тоифасидаги WBA чемпионлик камарини тортиб олганди.

Кечаги жангда филиппинлик бокс афсонаси барча статистик кўрсаткичлар бўйича Матисседан ўзиб кетди, деб хабар бермоқда CompuBox. Тўлиқ бўлмаган етти раунд давомида Пакьяо рақибига 344та зарба берди. Шулардан 95 (аниқлик 27,6%)таси мўлжалга аниқ етиб борди (яна 21та зарба тана қисмига теккан).

Лукас Матиссе эса Пакьяога жами 246та зарба бера олган. Зарбаларнинг 57 (23,2%)таси аниқ мўлжалга борган. Пакьяонинг куч билан йўллаган зарбалари рақибга нисбатан икки баробар кўп бўлган. Яъни 181та зарбадан 79таси (43,8%) бевосита Матиссени топган. Аргентиналик боксчида эса бу кўрсаткич 131га 36 (27,5%)ни ташкил этмоқда.

Шунингдек, Мэнни Пакьяо жанг давомида 163та жеб зарбалар йўллаган ва уларнинг 16 (9,8%)таси аниқ чиққан. Матиссенинг 115та жебидан 21таси (18,3%) мўлжалдан адашмаган. Лукас фақат олтинчи раундда 10та аниқ зарба бера олган, холос.