18 янв 10:17
Янгиликлар

Бокс/ММА

Пакьяо - Хорн баҳси 2017 йилда энг кўп кўрилган жанг бўлди

Филиппинлик бокс афсонаси, саккиз вазн тоифасида собиқ жаҳон чемпиони Мэнни Пакьяо ҳамда австралиялик Жефф Хорн ўртасидаги чемпионлик жанги ESPN телеканалида 2017 йилда энг кўп томоша қилинган бокс жанги бўлди.

Австралияда ўтган бу жангни телевизор қаршисида 3 925 000 томошабин кўрган. Жервин Ансайас ва Тэиру Киносита ўртасидаги жангни эса 2 234 000 томошабин кузатган. Мазкур баҳс Пакьяонинг жангидан олдин ўтказилгани боис шунча телетомошабинни тўплай олган.

Иккинчи ярим енгил вазн тоифасида WBO йўналиши чемпиони Василий Ломаченко ҳамда собиқ жаҳон чемпиони Гильермо Ригондо ўртасидаги жанг эса рейтингнинг учинчи поғонасидан ўрин олди. Ушбу жанг 2 миллион 144 минг телеаудитория тўплаган.