02 авг 15:50
Янгиликлар

Бокс/ММА

Пакьяонинг сўнгги рақиби фаолиятини якунлади

Аргентиналик боксчи Лукас Маттиссе профессионал боксдаги фаолиятини якунлаганини эълон қилди.

"Ҳаётимни ўзгартириб юборгани учун спортга раҳмат. 10 йил давомида жаҳоннинг энг кучли боксчилари билан бир савияда жанг ўтказиб юрганим билан фаҳрланаман. Бу йўлда мени қўллаб-қувватлаб турган барчага раҳмат айтаман. Сизларсиз бундай даражага етиб келмаган бўлардим", - деди Маттиссе.

35 ёшли аргентиналик боксчи профессионал фаолияти давомида 44та жанг ўтказиб, уларнинг 39тасида ғалаба қозонган (36таси нокаут билан). Фаолиятидаги сўнгги жангида эса у филиппинлик Мэнни Пакьяога мағлуб бўлди.