Паралимпия. Яна 6та медал, умумий медалларимиз сони 30тага етди

Шу куни терма жамоамиз жами 6та медални қўлга киритди. Улардан биттаси олтин, 2таси кумуш, 3таси бронза медалидир. Айни пайтга келиб, Ўзбекистон Паралимпия терма жамоаси ҳисобида 7та олтин, 6та кумуш, 17та бронза, жами 30та медал бор. Ушбу натижаси эвазига терма жамоамиз умумжамоа ҳисобида 12-ўринни эгаллаб турибди. Биздан аввалги ўринда бораётган Италия терма жамоасида ҳам 7та олтин медал бор.

Етмиш бешта олтин, 58та кумуш, 39та бронза, жами 172та медал жамғарган Хитой терма жамоаси ҳамон катта фарқ билан пешқадамликни давом эттирмоқда. Иккинчи поғонадаги Буюк Британия Паралимпия терма жамоаси ҳисобида жами 95та медал бор. Шулардан 43таси олтин, 24таси кумуш, 28таси бронза медалидир. Кучли учликка Украина терма жамоаси 31та олтин, 23та кумуш, 27та бронза медали билан якун ясаган.