Paris Masters. Новак Жокович 1/4 финалда!

Дунёнинг биринчи ракеткаси Новак Жокович нуфузли мусобақанинг чорак финал иштирокчисига айланди. Сербиялик теннисчи 2 соату 39 дақиқа давом этган 1/8 финалда ATP рейтингида 23-поғонадан жой олган нидерландиялик Таллон Грикспурдан қийинчилик билан устун келди - 4/6, 7/6(2), 6/4.

Новак теннисчиларнинг ўзаро учрашувларидаги ҳисобни йирик кўринишга келтирди - 3:0. У 9, Грикспур эса 12 та эйс зарбасини ижро этган. Қўшхатолар сербияликда кўпроқ бўлди - 7 га 4! Иккала теннисчи ҳам 3 тадан брейкни амалга оширган. Энди Жокович Rolex Paris Masters 1/4 финадида даниялик Хольгер Рунега қарши кортга чиқади.