Пикени ҳақорат қилишгани боис Испаниянинг кечаги машғулоти 23 дақиқа давом этди

Испания терма жамоаси мухлислари терма жамоанинг очиқ машғулоти чоғида Жерар Пикени ёқимсиз хуштакбозлик ва ҳақоратли сўзлар билан қарши олишди.

Маълумки, ўша куни Пике Каталония мустақиллигини ёқлаб чиққан ва керак бўлса Испания терма жамоасини тарк этишга ҳам тайёр эканлигини айтганди. Бунга жавобан мухлислар “Пике, ахмоқ, Испания — сенинг ватанинг... терма жамоадан йўқол!”, деб ёзилган баннерни кўтиршган.

Бунинг натижасида Испания терма жамоаси бош мураббийи Хулен Лопетеги машғулотни муддатидан олдин якунлашга мажбур бўлди. Бу вақтга келиб машғулотнинг эндигина 23 дақиқаси ортда қолганди.