18 сен 15:40
Янгиликлар
Футбол
Погба 3 ой майдонга туша олмаслиги мумкин
"Манчестер Юнайтед" бош мураббийи Жозе Моуриньо инглиз ОАВда тарқалган, Поль Погба жароҳат туфайли уч ой майдонга туша олмаслиги ҳақидаги маълумотни рад этди.
Аввалига 24 ёшли футболчининг оёққа туриши учун 6 ҳафта керак бўлиши маълум қилинган эди, бироқ The Times нашри Погба 3 ой ўйнамаслигини эълон қилди.
"У 12 ойми ёки 12 кун ўтказиб юборишини билмайман. Ҳар қандай миш-миш ёлғон, чунки унинг оёққа туриб кетишига қанча вақт керак бўлишини билмаймиз. Мушак ҳолати туфайли бир ҳафта кутишга қарор қилдик, шунда унинг жароҳати даражасини билиб оламиз. Клубдаги ҳеч ким 12 кун ёки 12 ҳафта ҳақида гапираётгани йўқ. Чиқаётган миш-мишларнинг бари ёлғон" - дейди Моуриньо.
Ҳавола :
Манба : championat.asia
Фикрлар