Португалия пенальтилар сериясида Польшани мағлуб этди ва ярим финалга чиқди

Бундай бахт Португалия терма жамоасига насиб этди. Криштиану Роналду жамоадошлари чорак финал доирасидаги баҳсда Польша терма жамоасини пенальтилар сериясида мағлуб этишди.

Учрашувнинг асосий ва қўшимча бўлимларида 1:1 ҳисоби ўзгармай қолди. Ўйиндан кейинги пенальтилар сериясида омад Португалия футболчиларига кулиб боқди.

Бирорта ҳам ўйинда мағлубиятга учрамаган Польша мусобақани шу тарзда тарк этди. Аксинча, Португалия асосий вақтда бирорта ғалабага эришмай, ярим финалга чиқди.

Евро-2016. Чорак финал.

ПОЛЬША – ПОРТУГАЛИЯ 1:1 (пен. серияси 3:5)

Марсель, “Велодром” стадиони

Голлар: Р. Левандовски 2 – Р. Саншеш 34

Польша: Лукаш Фабианьски, Камиль Глик, Артур Енжейчик, Лукаш Пишчек, Михал Паздан, Якуб Блашчиковски, Гжегож Криховяк, Кжиштоф Мончиньски, Камиль Гросицки (Бартош Капустка 82), Роберт Левандовски, Аркадиуш Милик.

Португалия: Руй Патрисиу, Пепе, Элизеу, Седрик Соареш, Жозе Фонте, Ренату Саншеш, Вильям Карвалью, Нани, Адриен Силва (Жоау Моутинью 73), Жоау Мариу (Рикардо Куарежма 80), Криштиану Роналду.

Бош ҳакам: Феликс Брих (Германия)

Огоҳлантиришлар: А. Енжейчик 42, К.Глик 66, Б. Капустка 88 – А.Силва 70, В. Карвалью 90+2